მასწავლებელთა მაძიებლობის საპილოტე პროექტის ტრენინგებიდან დაბრუნებისთანავე მოხდა ჩემი და მომავალი მაძიებელების გაცნობა-დაახლოება. მათთან მუშაობა წინასწარ შემუშავებული გეგმის მიხედვით წავრმართე.
პირველ რიგში ვესაუბრე მათ სკოლის ისტორიასა და კულტურაზე,მოვაწყვეთ მცირე ექსკურსია სკოლის ტერორიაზე.
გავაცანი მათ პროექტის მიზნები და შედეგები;
მაძიებლის არსი და მნიშვნელობა, მენტორის ფუნქცია-მოვალეობები;
მიმოვიხილე მასწავლებლის პროფესიული საქმიანობა;
ყურადღება შევაჩერე პროფესიული განვითარების უმთავრეს ორიენტირზე––რეფლექსურ პრაქტიკაზე;
გავაცანი პედაგოგის მიმართ წაყენებული თანამედროვე მოთხოვნები;
ზოგადად მიმოვიხილეთ ერთობლივი მუშაობისას გამოსაყენებელი დოკუმენტები.
ვისაუბრეთ პორტფოლიოს წარმოების შესახებ.
მომდევნო ეტაპზე განვიხილეთ მაძიებელთა ინდივიდუალური საჭიროებანი,რომელზეც დაყრდნობით შედგა სამოქმედო გეგმა.
მაძიებლობის პროგრამისა და სამოქმედო გეგმის შემუშავების შემდეგ მოხდა დირექტორთან მათი წარდგენა.ვისაუბრეთ ზოგადად ამ პროექტზე და მის პრიორიტეტებზე.
პედ.საბჭოზე პრეზენტაციამდე მაძიებლებს გავაცანი განათლების ზოგადი კანონის ის მუხლები, სადაც საუბარია ზოგადსაგანმანათლებლო სკოლის პედაგოგიურ საბჭოზე და მის ფუნქციებზე.
დირექტორის მოადგილემ,პედ.საბჭოს თავ-რემ, გააკეთა მოკლე შესავალი ამ პროექტის მნიშვნელობაზე,იმაზე,თუ რა პრინციპით შეირჩა მენტორები და მაძიებლები.
პედ.საბჭოს თავ-რის გამოსვლის შემდეგ მქონდა პრეზენტაცია, მიმოვიხილე ის თემები, რომლებზეც ვმუშაობდით ამ ხნის განმავლობაში ტრენინგზე, განვმარტე ბევრისთვის უცხო ტერმინების––მენტორისა და მაძიებელის მნიშვნელობა.ვისაუბრე თითოეული მათგანის ფუნქცია-მოვალეობებზე.
მაძიებლებმა წარადაგინეს საკუთარი თავი.
ასეთი იყო პირველი ნაბიჯები, გადადგმული მაძიებლების სკოლასთან ინტეგრაციისათვის.
Комментариев нет:
Отправить комментарий